移居歐洲日記:電訊篇(二)

上次就講緊我擔心唔知幾時先會收到張giffgaff嘅SIM Card,結過一講完第日就已經收到。

話咁快我已經到咗德國有三日嘅時間,而話咁快我已經搞掂咗我Vodafone嘅申請 and here's how

咁我就事先喺香港開定咗N26, 轉咗錢入去,去Ensure你有一個可以做到Direct debit嘅IBAN號碼(within SEPA),然後就可以輕易處理到。

喺check24.de度㨂好心水嘅電話plan先,揀定之後其實都係入個人資料就得,注意嘅係,用電腦版set唔到用英國電話number嚟申請,反而電話app就可以。

然後喺check24喺度係入唔到c/o喺個地址度,對於一眾租AirBnB、WG嘅人嚟講可能會有啲不便,亦因為咁Vodafone喺合約開始嘅時候係寄唔到SIM Card俾你嘅。

But then解決方法係打上去Vodafone熱線(Giffgaff電話卡請打+49 172 1217212,德文熱線),你需要準備你嘅客戶號碼(Kundennummer,喺email verification嘅嗰個email入面搵到,我都搵咗一陣先見到)同埋Kundenkennwort,喺check24一封有pdf嘅email入面會見到,同佢講你張SIM Card要用c/o先寄到去你手,咁佢就可以改個地址再寄俾你,otherwise好似我咁用有eSIM嘅電話就可以即時轉做eSIM然後用MeinVodafone用QR Code add張SIM Card入手機,免卻一切煩惱,不過都係嗰句,熱線要用德文溝通,不過如果唔識德文都唔會嚟德國嘅,我諗。

就係咁,我成功申請到一個+49嘅電話號碼。

而德國電話號碼同香港電話號碼唔一樣嘅係,德國行「開放電話號碼計劃」,而香港嘅係「封閉電話號碼計劃」,所以德國電話號碼由區號同Subscriber Number(本地號碼)組成,喺一個城市嘅公共地方可能會見到一啲9位以下唔係由0開頭嘅號碼,好可能寫嘅係本地號碼,喺同城市嘅固網電話可以就咁打本地號碼已經可以,而由手機打電號或者打去另一個城市就需要區號+本地號碼,即係手機號碼間係同區號都唔能夠單以本地號碼撥號,例如喺柏林見到一間餐廳寫自己電話係61234573, 咁你用柏林固網電話可以淨係用呢個號碼,而手機打就要喺前面加上030(柏林區號),而由0176 22947385打去0176 21800000係唔可以淨係打21800000,而要打埋0176,喺手機打電話基本上除咗Kurznummern(例如112嗰啲)之外都係要打0字。

而德國電話號碼喺表示上可以係只表示本地號碼(同城市固網),例如84635468,區號+本地號碼069 84635468,又或者+49+去0嘅區號+本地號碼 +49 69 84635468。而無論喺國內定國外打都好,來電顯示都係+49+區號+本地號碼咁樣。