移居歐洲日記：準備篇（二）電訊

喺呢一個資訊爆炸嘅年代，其實去到邊都好，上唔上到網都係所有人去到唔同地方嘅其中一個好大嘅concern。我自己就識啲人就算連搭飛機都會買航空wifi嚟上網，其實都不為過嘅，畢竟成十幾個鐘頭嘅機程，上唔到網又真係幾悶，同埋同呢個世界disconnect得幾個鐘就已經覺得自己同呢個世界會脫節咁，that's why（特別係我自己）去到邊都要有啲高容量嘅SIM卡嚟ensure我去到邊都唔會斷網lol。（利申喺香港都用緊全速無限嚟確保自己唔會用過個上限，平時一個用都用成二三十GB數據）

因為我嘅目的地德國同香港隔住九千公里之遙，再喺二零年開始全世界都受到疫情影響而冇得外遊嘅情況底下，令到SIM卡嘅選擇比平時更加少，再加上香港禁止英國航班喺香港着陸嘅關係令到唔少香港人急住離開香港，令到成個情況其實更加雪上加霜。

本身一開始我諗住買Vodafone UK張£15嚟喺德國用，好似可以用到EU Roaming 25GB，再加上Vodafone本身喺德國有自家網絡同佢哋本身個速度都唔錯，所以一開始我都係諗Vodafone，不過咁，Vodafone英國嘅SIM卡本身係唔會寄嚟香港（其實正常嚟講都唔會），所以一定要搵一啲喺香港嘅銷售點先至買得到（Online Store也好、鴨寮街也好），之不過搵勻深水埗都係搵唔到，咁我就算數，轉戰另一個目標。

喺confirm買唔到Vodafone嘅SIM卡之後我就諗住用giffgaff就算，可以直接寄嚟香港嘅地址收到，同埋都有£15嘅bundle可以喺EU Roaming喺德國用到，不過用O2嘅network which喺德國嘅O2 network reputation就唔係咁好，but never mind都只係短暫用，同埋都冇辦法，根本冇其他替代選項。只不過咁，我本身喺9/6 order咗一張giffgaff嘅SIM Card，結果係一直都收唔到佢張SIM，正路嚟講應該2-3星期就會收到，但我依家距離出發都只係得返一個禮拜嘅時間，然後SIM卡都仲未到我手上，其實老實嚟講真係有少少擔心

不過都係等下，希望會盡快收到，or else可能我要喺德國過幾日冇mobile data嘅生活，同埋打唔到電話都係一件幾麻煩嘅事，hopefully會盡快收到。

喺德國長期用嘅plan嚟講我自己就會用vodafone Young L 40GB mit Social-Pass嘅plan，帳面係37,99€（再加39,99€單次收費上台費，儲值卡轉過去好似可以慳返），但其實如果你用check24嘅話可以慳到好多，但暫時嚟講我未申請過，仲未有經驗，喺我settle好之後應該可以再同大家分享。