移居歐洲日記：準備篇（一）

話說我喺七月底將會去到柏林讀德文然後會喺德國完成我嘅大學課程，所以大概四月中到四月底我已經book咗由香港前往柏林嘅機票，而由於香港去柏林係冇直航嘅關係，我買咗嘅就係漢莎航空嘅航班（Operated by Swiss Air 但其實都係同一個集圑），經蘇黎世轉機咁，languange school嗰度、保險都係Book好晒，而喺歐洲落地首先第一件事係咩？當然係要上到網啦，所以我打算會買£20 Bundle SIM卡嚟喺歐洲上住網先。

當然上到網係重要，但要搵住嘅地方都係一件幾困難嘅事，畢竟，兩個地方相隔咗成九千公里，好難搖距租樓落地第一日就有屋住，所以頭兩星期我會住喺AirBNB度，有個地址，收到信，再拎一張Vodafone免費嘅Prepaid SIM，有一個德國嘅電話number就可以開到C24/N26手機銀行，攞到check24開電話plan嘅回贈，一嚟開到銀行account，同時亦都可以用一個比較低啲價錢用到電話，which is just so great。

暫時用緊housing anywhere嚟睇有冇一啲WG可以租，希望盡快有回音，然後可能一啲比較係過程上嘅嘢就會係用video嘅形式嚟記錄lol。