風雨

喺完成全部DSE嘅考試之後,中學嘅生涯都終於嚟到尾聲,應該咁講,我都唔sure最後嘅成績會唔會係理想,但總叫終於見到結尾,同埋我都冇考得差嘅餘地,因為好多嘢都已經安排好晒,冇選擇retake嘅機會,btw,就算真係考得差,都唯有誤打誤撞喺德國先再補救,life has to move on,一切都要繼續發生,冇理由就此停步,再加上我好耐以前已經想離開呢個地方,我更加唔會令自己因為一啲事情而被逼滯留喺呢個地方度。

過咗去嘅事,就由得佢過去啦,而家應該思考嘅係,what to do next。喺DSE之後我有好多嘢想試,vlogging,繼續upload更多嘅cover(好似係),but imma do more multimedia things before leaving。喺德國嗰一邊預計都有好多嘢要搞,首先要租到一個地方已經係一個困難,仲要搞電話plan寬頻anmeldung開銀行戶口乜乜乜咁,雖然有時好想有人幫我搞掂晒呢啲嘢咁,但諗諗下又會覺得,如果自己搞得掂嘅話,都係一個幾好嘅成就嚟嘅,同埋喺網絡科技發達嘅今日,應該都可以喺google搵到唔同嘢嘅solution嘅,我諗。