回望

我總係好衝動咁做咗好多嘅決定,但我從來都唔知到,自己所做嘅決定,到底係啱定錯,每一個自己所做嘅決定,都會引伸出好多嘅擔憂。

或者咁,我算係一個好率性嘅人,但喺率性嘅同時亦都對所有嘢都會感覺到謎一般嘅緊張。

冇錯,我生命入面好多重大嘅決定都係好隨心咁就做咗,或者可能係錯,但我嘅人生就係咁,錯有錯着,畢竟我做過嘅錯事(未必literally係錯,但至少會令我覺得後悔但冇得undone嘅事)實在係太多,如果成日要拘泥於自己做過嘅事的話,我諗我真係完全冇future(雖然我有一段時間都係好執迷不悟,但隨著時間嘅變遷我都開始get used to嗰一種嘅感覺,可以同佢並存and move myself on),但我每做嘅每一步,其實都唔知係咪能夠幫自己做到自己想做到嘅終極目標(aka 夢想),但其實我一直對自己嘅self-image都係好模糊同一直變得好勁,somehow我而家對於自己嘅認知,有一部份係嚟自人哋嘅評價,另外係自己嘅興趣,但其實我嘅興趣好廣泛,冇乜邊樣係特別stand out 到可以俾我用嚟確立自己嘅自我形象。

細個鍾意玩音樂,大個少少鍾意科學、工程,有時發夢做trillionaire(billion都太少喇),再大啲迷上車同飛機(操作嗰種),人再大多少少想做celebrity,我嘅認知係,追星嘅追高境界就係將自己變埋做星,但似乎,我根本冇咁嘅才華去做呢樣嘢,至少,雖然我鍾意音樂,但我對音樂嘅creativity都可以話係幾shitty,隨咗識唱人哋啲歌之外,彈琴都已經唔多掂(喺老豆老母逼迫之下本身鍾意琴都開始反感,但當然我越大就越後悔點解當年會半途而廢,雖然我對theory嘅認識都仲係有,同埋如果叫我彈啲簡單嘢嘅話都應該還可以嘅),睇下外國啲歌手好多都係自己一腳踼,我呢啲非人才真係可以行埋一二邊,不過我諗我啲故事用唱嘅方式嚟講都應該會係幾催淚(過度自信?),不過如果有啲人好彩有人帶鍥嘅話都仲有啲機嘅,但我同時想喺Engine方面發展,like what? slashing,同時係工程師/歌手/明星/blogger/YouTuber(諗得太多,好似係),我成日都同人講笑咁講我要喺飛之前開個人演唱會同出CD lol,但應該只係有翻唱作品可以入得耳,笑死。

不過拍嘢呢個我真係有諗過,畢竟其實我個腦轉得快過我打字好多,所以如果我係拍出嚟嘅話個效率應該會高啲,但我又唔想晒咗依家個website,所以可能第日真係留一啲好資訊性嘅guide喺度(or 影音+文字同步更新,睇需要同feasibility,始絡有啲內容係冇用文字存在嘅意義),或者淨係放啲傷春悲秋嘅嘢喺網站lol。

但我就算,就算真係變celebrity我都唔會好似啲人咁膠面扮晒蟹,我一樣會照做自己講自己想講嘅嘢,成日有人問我,你講啲嘢咁敏感,唔驚嘅咩?I was like: 如果連你自己都禁埋自己聲,仲有邊個會出聲?同埋老實講,我係一個好感情用事 wif 邏緝嘅人,有嘢就直接講,所以我所有敏感內容都唔會del其實。

最多係archive啲連自己都不堪入目嘅黑歷史,但短期內都係有盡多嘅嘢好,始終多啲content呃人入嚟睇廣告,畢竟其實呢個網站真係好燒錢,然後係接近冇價值產出。(笑)

仲有一個月唔夠考DSE,四個月內離開呢一片土地,tbh我係幾感慨,估唔到自己終於辛辛苦苦捱到呢一日。估唔到自己竟然可以終於等到自己嘅未來,雖然前路會唔會依家好仍然有待觀望,再講,一個武肺真係搞到大家都措手不及,雖然唔知未來係點,但未來係由你我開創,我哋一齊拼搏,「啲人成日話呢個地方冇future,咁咪我哋自己寫出嚟囉」。吖係,我係發緊明星夢,so what,歡迎各唱片公司(if TVB同聲夢有意簽本人嘅話,可以放心,就算你俾錢我都唔會簽你)簽本人俾歌我唱(你可以當我啲cover係demo嘅),歡迎各大品牌搵我合作 or sponsor 本人,各位金主可以訂閱我patreon,豐儉由人(好似係)。

我寫啲嘢好似好多都同文題冇乜關係or上上不撘下理but what so ever呢個係個blog嚟㗎嘛 and now im gonna think of what should i be (諗我呢一刻嘅目標idk, anyway its so fine),人生嘅意義係你自己賦予而唔係靠人哋嘅expectation㗎嘛,be yourself, be real is fine!~