何以口號派會更得選民歡心

2020美國總統大選,雖然結果尚未塵埃落定,但以目前開票嘅進度以及各大傳媒嘅推測而言,再加上較早前唔少機構所作出嘅民調,可以顯示到民主黨候選人拜登係比較受到選民嘅支持。

明明疫情所帶嚟嘅經濟重創令到美國嘅經濟瀕臨崩潰,而侵喺過去呢個任期(2020年2月)創下咗自2000年以嚟最低失業率(3.5%),明顯佢比任何人都更適合處理經濟嘅問題,以及有更加強硬嘅對中態度,亦係因為咁而令到香港嘅人普遍比較支持侵。

喺黑人議題之上,雖然侵故意避開對白人至上主義組織嘅讉責,但卻喺過去嘅呢個任期入面造就咗黑人近年就業率嘅高位,反觀民主黨喺過去嘅多年執政時期都未有咁嘅成就,但係民主黨一句「Stand with BLM」,對BLM組織、Antifa加以支持,但冇諗去有咩比較實際嘅方法去令到美國社會更加「平等」,雖然如果民主黨真係咁有智慧咁有決心去做,喺奧巴馬時代就已經解決咗,而選後拜登嘅一句「You always have my back, and I'll have yours」就更加顯示到拜登如何靠口號(喺目前階段)取勝。

黑人選民,就算唔係參與借BLM為名打家劫舍嘅人也好,或多或少會覺得BLM組織係「黑人」嘅代表,就算一個總統做咗幾多去促進社會嘅平等進程也好,唔支持BLM,唔支持趁火打劫嘅BLM人嘅話,就會被認為唔支持黑人社群,所以就算咩都唔做,一句Stand with BLM就可以「呃」到嗰個群體嘅選票,當然呢個現象唔單純出現喺美國嘅黑人社群入面,用中國嘅例子嚟睇,我哋批一批評中國嘅习近平主席,中國嘅網軍就會覺得我哋踩親佢哋條尾咁,即使你批評緊嘅係共產黨而唔係中國人。

撇開種族議題,喺面對有關中國議題嘅提問嘅時候,兩黨候選人都有截然不同嘅回應。侵主張制裁中國、封殺華為,但點解選民唔會因為咁而投佢?固之然美國嘅選民會比較關心美國本土嘅事多過你香港、中國呢一啲國際議題,難聽啲咁講,就算香港點死都唔關美國人事,所以我哋要睇嘅係,中國會點樣威脅到美國。

中國一直做技術轉移、抄人哋啲嘢跟住出口去俾美國制裁緊嘅國家(伊朗呢啲),所以侵一上台就話要制裁中國,先後禁中興、華為,一嚟滅少對中國嘅依賴,更重要嘅係停止佢哋呢種「劣幣驅逐良幣」再儲資本對付返自己嘅生態,但係就係差咁啲口號,當然舉旗不定係一個選民對佢信任度不足嘅原因(之一),但睇下民主黨嗰邊?執政咗咁多年乜作為都冇,依家就話要「令中國跟國際規則」,係咪即刻好聽咗好多呢?但背後代表啲咩?即係咩都唔會做。