反送中運動以嚟最大規模嘅送中案

記得八月尾嘅一個夜晚,Instagram嘅feed wall上面見到一個又一個有關十二個港人被送中嘅消息。

好明顯,證明我哋當初進行反送中嘅決定係正確嘅。喺小熊維尼掌權底下,只會一日比一日專制,香港人,只會更加危險。

林鄭呢個賤女人,一開始推送中條例嘅時候講到自己幾咁為逝者家庭著想,台灣當局早就已經開咗個特別投案窗口俾你,但你有理過嗎?

去到呢一刻,逝者嘅屋企變咗condom,嗰啲乜聯物聯反轉豬肚就係屎,搞咗場咁大嘅龍鳳,令香港成功變成逃犯天堂,呢班政棍梗係功不可沒。

不過咁,無論賤女人將中共幾咁美化都好,咪又係無阻十二個港人被送中而到依家都係音訊全無嘅事實。

每一次聽到呢一啲新聞其實都覺得好無助,之不過咁,如果我哋放棄嘅話,咁佢地十二個人,就會變得極度危險。

雖然我本來嘅plan都應該係唔會留喺香港㗎喇,但我都希望喺未來嘅香港可以變得更好,縱使喺呢一刻講未來真係有啲不切實際,亦都感覺未來距離自己好遙遠。