Starlink——會如何影響我哋嘅生活？

Starlink嘅服務最近喺美國開始提供俾Beta嘅用戶，雖然速度唔係話好快，但已經足已令人鼓舞。

對比我哋嘅光纖寬頻嚟講，衛星網絡服務能夠提供嘅上網速度真係唔會快，佢嘅下載速度只係講緊只有60Mbps啦，而佢嘅Latency都講緊有去到100ms，對於一般人嘅用戶嚟講固然係唔會令人覺得吸引，當連VDSL Profile 30a嘅速度都可以有100Mbps上下載嘅速度（雖然有唔少唐樓都只係得8Mbps嘅ADSL上網，不過收Mobile Data做Tethering已經可以），咁你可能會問，咁到底有咩用？

的確，喺香港市區呢啲光纖或者絧線寬頻嘅覆蓋率都應該已經有超過九成嘅時候，衛星上網當然冇用，但對於一啲行船嘅海員同可能係飛機（？）都可能有用，大家都知道海上面同天空上面固然係唔會有固網寬頻或者係流動電話服務嘅提供啦，咁呢個時候衛星網絡就可以彌補返呢一個嘅不足喇。

再講，我哋喺地面上面嘅網絡覆蓋率都未到一個好高嘅層次，喺唔少嘅發展中嘅國家都未有一個話係好完善嘅一佪網絡覆蓋，咁如果你係要做探險家（或者係開荒牛？）嘅話，咁即使去到呢啲嘅地方嘅話，都可以keep住咁上網啦，甚至喺一啲有資訊審查嘅國家可以突破到資訊封鎖啦。（不過唔知個頻譜會唔會被會干擾啦）

當然啦，如果可以嘅話都係盡量發展地面、海上嘅流動同固網網絡服務就最理想啦，可以減輕衛星網絡嘅負擔俾一啲更有需要嘅人喺高空使用。

咁同現有嘅衛星網絡有啲咩較為competitive嘅point呢？

咁其實因為佢嘅軌道更加靠近地球呢，所以其實佢個Latency都會比現有嘅衛星網絡為低，咁所以可以提供一個更有競爭力嘅嘅服務，

咁我哋都可以期待下starlink可以為我哋嘅科技發展帶來啲咩變革。