雙重標準

冇嘅，只係得閒出下文刷下存在感啫。

繼前文講完啲藍絲好鍾意一句「政治唔關我事」、「我唔識政治」、「政治嘅嘢你唔好理啦」。

而對於最後一句幾有感悟。

藍絲叫自己嘅親友唔好理政治，目的唔係擔心你嘅人身安危，只係諗住用呢個名義嚟逐啲逐啲咁消滅一息尚存嘅異見。

如果佢哋真係有咁關心你嘅話，佢哋一早就唔會發表埋晒啲偉論，亦更加唔會成為藍絲。

而我都真係幾嬲㗎，因為成日見到一個成日叫我「唔好理咁多政治」嘅人喺度睇埋晒啲藍絲KOL嗰啲咁嘅YouTube廢片，喺佢哋眼中，只有自己做緊嘅事係正確，其他人嘅諗法、行為都係錯。

明明自己乜嘢技術背景都冇但就喺度吹虛咩「中国芯片好历害」，哈，佢哋連45nm都未做到都學人打飛機，笑大人個口。

真係幾好笑㗎，YouTube譾武漢肺炎就好快手咁同你黃標晒啲片，但係就縱容啲共諜喺度用Fake News/Misinformation 喺呢個平台去茶毒啲學歷、知識以及智商偏低嘅人。

我唔喜歡呢個世界，因為世界太多愚民。但我更討厭帶我嚟呢個世界嘅人，因為佢哋比任何一個我認識嘅人都更虛偽同仆街。

成日喺度話年輕人覺得「個世界欠咗佢」，但就唔思考到底促使一件事發生嘅遠因、近因係啲咩。同樣，我嘅成長都係生活喺責斥同體罰入面，任何嘅問題都唔會係自己嘅問題，亦係一眾藍絲家長嘅心態。

只不過，係佢哋以為我幾咁想生存，對唔住，由我有記憶以嚟都冇諗過積極生存。唔係世界欠咗我，而係我覺得當你哋根本唔鍾意細路（自己嗰啲 inclusive）、亦都唔識點想去湊、去餋嘅話，請先做好避孕措施，而唔係生一個細路出嚟要人受罪。