中國式民主
6月30號上午，中國人大常委會喺會議上通過《港區國安法》，而當中每個代表中國當局嘅回應都真係笑大人個口，再睇返以前嘅一啲中國人大嘅講話，都真係笑而不語。
逝世中國人大代表申紀蘭日前離世，佢由第一屆人大出現開始連任至今，而佢最為知名嘅事，就嚟自佢嘅一句說話「從來沒投過反對票」，顯示出中國所謂「民主」嘅制度，由一班唔知點樣嚟嘅人民「代表」去為市民「發聲」，都真係得啖笑。
好喇，時間嚟到出現《港區國安法》嘅時候喇，嗰啲咩港區人大代表喺連有啲咩條文都未清楚嘅時候就話要支持，仲要所謂代表係完全冇民意基礎嘅，根本只係喺度扮民主，實質根本係閉門造車，用啲咁嘅方法嚟避免遭到外國、國際嘅追究。
中國當局嘅相關代表一直喺度用「少部份人」、「嚴重情節」嚟替呢個《港區國安法》作出維護，之不過，我哋睇返中國以往嘅執法記錄呢，根本唔需要任何證據已經能夠將你定罪，只要中國當局不滿你嘅作為，已經可以將你送入監獄。
睇返佢呢個所謂「法律」嘅第三十八條，真係笑大人個口。
第三十八條 不具有香港特別行政區永久性居民身份的人在香港特別行政區以外針對香港特別行政區實施本法規定的犯罪的，適用本法。
東方實捉到你個friend？話知你放棄咗中國籍定係有宇宙通行證都冇用，你一樣會用自己嘅方式俾人喺世界嘅任何一個角落俾人夾走。
- 對中華人民共和國發動戰爭，或者以武力或者武力相威脅，對中華人民共和國主權、統一和領土完整造成嚴重危害
- 對香港特別行政區政府或者中央人民政府制定和執行法律、政策進行嚴重阻撓並可能造成嚴重後果
- 對香港特別行政區選舉進行操控、破壞並可能造成嚴重後果
- 對香港特別行政區或者中華人民共和國進行制裁、封鎖或者採取其他敵對行動
- 通過各種非法方式引發香港特別行政區居民對中央人民政府或者香港特別行政區政府的憎恨並可能造成嚴重後果
仲話係針對極少人喎，根本呢呢籠統到老母都唔認得嘅條文係告任何一個人都得㗎啦。不過咁，如果身邊有任何一個「愛國藍絲」發表批評政府嘅言論嘅話，我極度建議各位要盡國民義務檢舉佢哋，等佢哋接受愛國教育咁。要知道，呢啲政策係佢哋一手贊成先會彈出嚟。
睇完呢個條文之後我個口笑到大過梁君彥個口。
呢個條文冇官方嘅英文版，似乎係有心避開外國政府等佢哋睇唔明，咁所以呢，我哋民間要自己好好譯咗佢。
參考資料：
- 首屆人大一直連任 66年未投反對票惹質疑 被稱人大活化石 91歲申紀蘭病逝 https://bit.ly/2Bf0xLm
- 刊登《港區國安法》的相關憲報 https://bit.ly/3dVkB2F
