抑鬱症憑啲咩摧毀一個人

話說我自己其實都有咗depression好幾年喇,其實自己一真都覺得有唔妥但因為冇一啲好嚴重影響個人健康嘅事發生所以一真都冇乜點理過呢個問題啦。直到大約半年前咗右啦,因為呢個問題已經去到影響到自己日常生活嘅程度(影響到消化系統搞到腸胃好差成日肚痾),所以就咁去睇醫生啦,因為之前有啲循環系統嘅問題但搵唔到原因啦,一經過呢件事之後都大致確認咗係同情緒方面有關,同埋列出嚟嘅大部分病徵我都有,想唔認都唔得。

其實depression呢樣嘢只會令人不受控咁諗嘢諗得負面啫,其實你如果問我係咪好大問題呢,我自己就覺得唔係,但佢帶嚟嘅後果唔係淨係影響自己,而係你身邊原本所擁有嘅會慢慢一樣又一樣咁俾depression攞走晒,令你個人跌落一個令自己永不超生嘅無涯深淵入面。

Depression係呢個病嘅最主要部分啦,但好常見嘅就係有depression嘅人會同時有社交恐懼嘅問題,特別喺男性患者身上會見到更多係會選擇迴避家庭同社交啦,所以對我嚟講我唔會主動去同人傾閒計、閒話家常咁,咁所以其實我都係嗰啲冇乜friend嘅人嚟(有大把friend嗰啲就唔會靠開blog嚟講出自己心入面嘅嘢啦)。

而問題就係當你係有depression嘅時候,你會將一啲仍然留喺自己身邊嘅人都睇得好重,某程度可以話係己經迷失咗自己,搵唔返自己一個屬於自己嘅定位,變咗好似做咩都係為其他人去做嘅咁,將自己嘅精神寄託喺其他人嘅身上,令其他人變咗好似自己嘅心靈支柱咁。我會話如果對方都係好真心咁對你好有心嘅想幫你走出呢個陰霾嘅話其實係冇問題,甚至會更加快咁好返。

只不過,其實大部份人都唔係真係有心幫depression嘅患者,甚至有唔少人係因為驚俾depression患者成日喺佢哋面前放負搞到佢哋自己都負埋一份,所以會選擇喺一個好crucial嘅時間選擇離開depression嘅患者,但佢哋唔知道嘅係喺depression患者嘅心目中佢哋係有幾咁重要,就算之後知咗都好,都係會爭住同自己割蓆,而呢樣嘢對於有depression嘅人嚟講可以話係致命打擊嚟,因為佢哋雖然唔敢自己主動咁去建立一啲新嘅關係,但其實佢哋係會好想同其他人建立闗係,同埋好睇重每一個人同自己間嘅關係。當然,呢種重視都有次序之分,但無論如何都係會比其他人更重視其他人,因為佢哋好多時係已經喺自己個腦入面遺失咗自己嘅形象,所以成個腦都係其他人,好似以我為例咁就係會成日諗住點去幫我最care嗰個人啦,especially學業方面啦,因為我讀書好過佢嘛,我真係對付出冇所謂,因為我實在係太重視(迷戀?)佢。

好可惜佢喺兩個月前選擇離我而去。

唔知佢有冇喺人前人後講我壞話啦,我本身都唔相信佢會,直到有次我知道咗有人講嘢唔覺意提起咗我啦,跟住佢就史無前例咁發咗個好大嘅脾氣啦,跟住同佢有計傾嗰啲又一個又一個咁疏遠我玩del我contact,令我開始有咁嘅懷疑。

佢之後試過喺唔同嘅社交平台度同我講啲好絕嘅嘢啦、block我啦、喺ig restrict我啦。

要知道我真係好重視佢,就算到依家呢一刻都係。所以我一見到嗰下係真係好disappointed 咁樣,結果係commited suicide 收場啦,但我都唔覺得佢會因為自己成為一個間接嘅殺人兇手有咩感覺,因為佢根本一啲都唔在乎,你係生係死佢睬你都有味。

簡單嚟講就係摧毀你嘅自我形象,繼而係你嘅情感,進而影響人際,再喺你個best friend嘅加持底下就可以好容易咁殺死一個depression患者。而我就係其中一個受害者。自殺都唔止一次,不過依家諗翻起一啲已經過咗身嘅親人,同埋我對佢哋嘅承諾,再加上自己嘅好多好多想做嘅嘢同夢想先可以撐得到落嚟。

不卜女女口呢一切嘅嘢都唔係話發生咗好耐所以我都希望可以捱到去下年啦。

同埋香港嘅現況真係搞到好多人都出現情緒病,雖然大家嘅經歷同我未必相同,但我都同大家講一句加油啦,畢竟大家都叫做同路人嘛。

利申:筆者今年16,大約5年前開始已經係咁嘅狀態。