iPad Air 3螢幕觸控問題

由3月尾到依家，我大大話話都已經用咗部第三代iPad Air個半月嘅時間左右，但其實我發現佢個螢幕有觸控問題。

事情係咁嘅，當我一路用部iPad 嘅時候，間中（可能係一至兩個鐘頭會出現一次，每次時長不定，但無論係咩程式都有機會出現呢個問題，甚至係Keyboard都冇反應）會喺上半個螢幕係無論點樣撳撳撳都唔會有任何反應，似乎係一個硬體/System-wide嘅問題，上網Search過，唔少人用iPad Pro都有呢個問題，拎返Apple換機就解決咗，但我呢個問題喺換完機之後就仲未解決。

我依家部機行緊iOS 12.3 Beta 6（琴日Beta 5好似冇事，但我部機都係琴日先換㗎啫），今日凌晨先啱啱推出，用咗半日已經冇反應咗幾次，不過老實講密度唔算好高，但未知情況會唔會惡化。）

無論係MUUJ2ZP/A定係NUUJ2ZP/A都出現呢個問題。

但目前嚟講唔清楚係硬件定系統有問題，因為同一個程式用Touch冇咗反應嘅時候陀螺儀控制就完全冇問題，希望Apple 能夠正視一下呢個問題，並且提供解決方法俾用家。

又或者要email Tim Cook先會有人理。