話說之前3月18號Apple靜靜雞咁推出咗iPad Air第三代，轉用咗A12處理器，非常吸引到筆者，所以喺推出冇幾耐嘅時間我就已經買咗。

外觀

架機嘅機身其實都相當輕薄，個form factor其實比起我部舊iPad 4還要更加細更加輕，機殼都其實只係好普通嘅Aluminum Alloy，同埋唔好expect佢係會come撞啦，我放喺個背囊入面都裝凹咗，Apple有冇得免費同我換。

效能

部機因為用A12處理器嘅關係呢，所以其實性能都唔會差，除咗得3GB RAM之外，應該就同我部電話冇分別嘅，Geekbench嘅分數應該都係同iPhone Xs嘅表現大同小異。

功能

由於呢部機Support multitasking，所以可以一邊睇YouTube一邊覆message，同埋對於平時做開啲copy paste work嘅人嚟講的而且確係一個幾好嘅功能嚟，但其實我唔認為iPad係一部能夠用嚟工作嘅機器。

配合Apple Pencil的確係可以更容易咁畫到各種嘅graphs啦，對於要畫一啲Scientific嘅diagram嘅人嚟講無容置疑係會好過冇，但值唔值得用$788嚟買呢？好視乎你有幾常用支筆囉。

雖然iPad係過去幾年不停Support各種新穎嘅功能，但其實好多電腦先做到嘅嘢係iPad上面都係做唔到嘅，普通Office suite嘅iPad版都係有唔功能受到閹割，但就真係勝在部嘢輕，但如果真係做嘢嘅人我會建議買多部notebook嚟用，信我。

呢一篇嘢係用iPad Air 3嚟打嘅，老實講，我自己唔係咁習慣瘋狂篤個Touch Screen嚟打嘢嘅，因為我平時部電腦係用Mechanical Keyboard，一切嘅手感係iPad上面係唔會搵到，加上iPad要外接Keyboard都係比較麻煩，所以係咪真係適合文字工作者呢？我就相當保留。

但佢有3.5mm接口，可以邊插電邊插耳機，用嚟打機/聽歌簡直一流。個mon嘅解像度仲高過我個電腦mon，兼且係用IPS mon，已經贏咗我部電腦個TN Mon一大截，我自己自從買咗呢部機之後除咗要搞啲documental嘅嘢之外我都冇開過部電腦，因為大家都知我就冇notebook computer，下下做嘢都要去特定位置整，真係想死，就因為佢冇mobility嘅關係，所以我先會將平時啲research呢類用browser就搞得掂嘅嘢搬去部iPad 度做。

值得一讚嘅係，iPad Air 3嘅10.5吋mon係足夠正常顯示WordPress嘅後台畫面嘅。