韓亞航空波音744體驗

話說我之前喺八月底去南韓嘅時候就係搭韓亞航空嘅凌晨班次啦，咁呢我之前上網Search 過呢班機平日嘅時候 好多時都係行A388而喺週末嘅時候就用744多，咁我心諗都仲有少少生機，但好可惜，實際嘅情況就係最終俾咗㗎B744我。

先唔講㗎機可能就快退役機艙內部都已經黃晒先，韓亞嘅波音747-400(744)係無提供USB頭俾大家直接插部電話入去㗎。咁都有替代方案嘅，係兩個座椅放腳位置之間可能會有一個插座俾大家用嘅，官網係咁樣講啦，反正我應該係冇望到落去見唔到㗎啦。不過都還好，我部電話一直插住尿袋俾電，起碼一落機都仲有電話用。

機上娛樂你可以當係冇㗎啦，機艙部電視基本上都可以閂咗佢，可能因為係90年代新科技嘅關係呢所以個反應速度對於90年代已經中年嘅人嚟講應該都幾敏捷，對於我嚟講就不了喇。

不過呢，撇除機艙嘅各種設施之外呢，其實部機都的而且確係幾穩定嘅，至少冇我上次搭因航咁Chok。

如果搭中韓亞嘅B744的話我會建議大家自己準備一部類似iPad嘅物體自己準備戲上去睇，用佢個System真係會用到忟。