點樣登記八達通入iOS八達通App

大家都知道，iOS個八達通App係唔能夠讀取到張八達通嘅，必須要使用一個要另外買嘅讀卡器先可以讀到，原因相信係因為Apple 未全面開放NFC功能所致。

最近八達通推出咗新八達通App，終於可以俾大家喺iPhone度睇到八達通嘅交易紀錄喇，不過好神奇地係睇唔到有幾多餘額㗎喎 :0)

首先，喺裝咗最新版嘅八達通App之後，去More度嘅Manage Octopus再新增八達通

然後如無意外就會出現呢個畫面

開咗Past 3-month Spending Records 之後就會叫你帶張八達通去啲服務站度拍去啟用嘅，咁邊度有服務站呢？八達通官方都有講㗎啦，喺呢度就唔重覆喇。

八達通服務站個mon應該首先喺咁樣，求其督一下或者攞張八達通嘟埋去都可以叫醒部機。

個八達通服務站嘅主頁就係咁樣樣，咁就選擇完成「八達通App的八達通登記程序」

跟住就嘟一嘟張八達通就ok

一嘟完張八達通之後就已經完成咗。出現呢個畫面就冇問題。

常見問題：

點解嘟埋去話未成功：肯定係你自己低能拍咗一次又再拍，系統已經冇咗你個pending嘅紀錄，自己低能唔好賴部機。

最後，八達通幾時加入Apple Pay