如何喺海外講電話收本地錢？

其實各大電信商（好似係）都知道大家熱愛去旅行，所以都推出各式各樣嘅方式俾大家喺海外用App打電話翻香港，例如我用緊嘅1010就有提供傾King啦（雖然冇人會Call我）嚟俾大家接收電話嘅。

當然大家都可以用第三方嘅通話Apps（例如WhatsApp Call、Telegram Call等等各式各樣嘅Apps），但卻只係限制咗有相同軟件嘅朋友喎。

咁最直接嘅方法梗係可以免費玩到原生嘅通話App啦，咁點做到？好簡單——Wi-Fi Calling (VoWi-Fi)。

至於點做呢，我就用iOS裝置嘅，咁所以我呢度share嘅嘢都係iOS oriented。首先，喺client device冇用VPN嘅情況底下係香港IP，即係點？即係一係你放Wi-Fi嗰張卡要係漫遊卡，一係就係你放Wi-Fi嗰部機Support VPN完再Share。

同時間，確保手機處於飛航模式，並關閉Wi-Fi Call取用定位服務嘅權限，防止電話detect到外地電訊信號同知道你喺外地而停止Wi-Fi Call。我試過喺南韓冇開飛航嘅話可能會突然中斷Wi-Fi Call，開飛航重新開Wi-Fi就可以，但我係手動停用咗漫遊功能嘅，咁大家都可以作為一個參考。