首次申請葡萄牙公民證 - What do you need?

話說我喺感恩節嗰日去咗葡萄牙領事館度搞公民證（Cartão de Cidadão）啦，咁由於我係第一次申請呢，就需要帶以下嘅文件嘅。

葡萄牙中央登記局12個月內發出嘅出生證明

香港/澳門身分證正本同影印本（如果兩個都有就帶晒）

葡文或英文地址（住址證明）

另一個載有相片並由政府機關發出嘅文件（例如護照、駕駛執照）

未年滿12歲嘅申請人需要父母陪同同埋需要父母文件嘅副本啦，詳情會喺領事館俾佢地嘅紙上面。

另外，最重要係早啲到領事館，因為由叫籌到入房要半個鐘或以上，自己預留時間啦。

搞公民證會度高、打手指模、影相，領事館職員會指示你㗎啦。

打手指模同影相就有部機去做啦，但其實細心睇會見到部機寫住Ativar o Windows（即係Windows 未啟用），見到嘅時候我笑咗。

搞證最重要係俾錢嘛，價錢盛惠18€（張卡本身）+5€（外國收）-3€（張卡有效期得5年）=20€。

06/12/2018更新：

今日終於收到由葡萄牙寄嚟嘅信喇，入面有各種PIN，大家收到嘅話要好好保存，啱啱好兩個星期，我睇下邊日放假得閒就去攞埋兼且辦理埋本Passaporte。