開箱試伏:綠聯LP-E6/LP-E6N充電器

其實點解已經有原裝充電器之餘仲要買多個充電器呢?其實原因好簡單,我部EOS 80D同唔少Canon機一樣係冇機身充電,咁如果你喺戶外嘅時候冇晒電只能夠用尿袋配合假電池繼續幫部機供電啦,但呢個充電器對我嚟講最大好處唔係可以同時差兩粒電,而係Micro-USB供電,咁當你喺戶外嘅時候叉電就方便好多啦係咪?

講返個充電器先,佢嚟到嘅時候就係個本體同埋一條都幾短下嘅USB-A to Micro-USB線。

個本體都其實好輕巧,直流低壓輸入亦都令到佢個機身可以造得好薄,長期袋喺身應該不成問題。

同原廠充電器其中一個幾顯著嘅分別就係有兩隻彈弓腳喺呢個充電器上面係搵唔到,但至於嗰兩隻腳本身嘅用途係咩我就唔清楚了。

使用嚟講都唔會複雜嘅,燈號一係紅一係綠,紅色就叉緊電,綠色就叉滿咗㗎啦。

但亦因為佢係Micro-USB供電,所以都有一個幾顯著嘅缺點,就係佢嘅充電效率都頗為低,叉一粒嘅時候就8V/750mA,兩粒嘅時候就每粒8V/500mA,對比原廠叉電器都仲係有一定嘅差距,但都其實係受礙於USB嘅電壓只係5V,所以都好難喺充電電流上面有更大嘅突破。

如果佢用USB Type C而Support PD嘅話可能就可以用到更高嘅效率嚟叉電喇,咁當然我相信個價格上都會見到明顯嘅分別啦,然而前提都係大家嘅尿袋同AC to USB-C嘅充電器都Support PD啦。

不過整體嚟講我覺得都唔錯嘅,至少喺戶外冇三腳插頭嘅時候都可以幫啲相機電池叉電,點都好過冇。

Link: https://u.chrischan514.com/ugreen-lp-e6n

售價:¥49