攞葡萄牙出世紙 辦事速度離奇地高

大家都知道，葡萄牙領事館辦事速度以慢見稱，上次做咗出生轉錄之後話俾我知要半年，我都諗緊起碼11月先攞得到我張嘢㗎啦，咁大家見到呢個Post都知發生咩事㗎啦。

咁我8月頭就去咗轉澳門啦，咁我還掂都係又經過R. Campo，咪過埋領事館都問，老實講，其實一啲期望都冇，咁咪求其攞張飛仔問下囉。

吖，點知我張出世紙早咗好多出，可能因為本身我寫葡文掛，總之本來話俾我聽半年先攞到嘅嘢，三個月多幾日就搞掂，即刻心諗好彩屎忽痕去咗領事館啫。

出咗張出世紙，咁咪預約辦理公民證（Cartão de Cidadão）囉，不過排期照去到11月底，同原本攞出世紙嘅時間差唔多，算係咁。

有咩唔明歡迎留comment。