OFCA公布香港5G頻譜指派時間 最快明年初啟用

OFCA今日宣布咗香港將會採用3.5GHz嘅頻段作為室外用途，而26GHz同28GHz嘅頻段就可以作室內用途。

OFCA表示將會在今年年底至明年初時開始指配26GHz同28GHz頻段嘅頻譜俾電訊商使用，高頻段嘅速度比低頻段嘅快，不過傳播力比較低，因此需要以3.5GHz輔助室外傳播。

3.5GHz頻段嘅頻譜將會喺2019年開始進行拍賣，可供使用嘅頻寬總共200MHz，劃分成10條20MHz嘅頻譜拍賣俾各個電訊商，每個單一競投人最多投100MHz，而未有投得嘅電訊商向有相關頻譜嘅電訊商要求出租5G網絡，持有頻譜嘅電訊商不得拒絕同最少提供30%網絡容量，即使相關決定係希望加快香港邁向5G嘅速度，但係咪對持有頻譜嘅電訊商Harsh咗少少呢。

不過，26GHz目前係有使用者嘅，所以希望OFCA能夠盡快遷移相關使用者到其他頻段使用。