Kaspersky 卡巴斯基推出免費防毒軟件 免費1年License

邊個話免費冇好野?以往免費防毒軟件都只係得Avast、Avira、AVG等,筆者一向用開的Avast最近好像有點故障,筆者一直擔心,幸好原來只是註冊的問題,但筆者唔太喜歡佢一開機就彈個Windows出嚟幫自己Secure Line賣廣告,好擾人。但最近Kaspersky疑似良心發現推出左免費防毒軟件,所謂免費就即係閹割版啦,但其實刪走嘅都係筆者認為冇乜實際用途嘅功能,一張圖說明一切。

 

Kaspersky 卡巴斯基以往 (以筆者所知大約係2012及以前) 一直都被指佢佔用系統嘅Resources,效能偏低,當然筆者防毒全部免費就當然唔會理,直至佢地近日佢推出左呢各免費防毒,我先開始試用佢地嘅產品。Kaspersky 係一間俄羅斯嘅公司,資料安全嚟講我暫時都唔覺有自動Backup嘅跡象,而呢幾年卡巴斯基嘅形象回升、正皮多左,同埋係因為之前佢地多次放勒索軟件嘅Key出嚟咪令我對佢地增加左信心。之前筆者一直考慮會否轉用卡巴斯基,但目前為止有免費版,解除我一大憂心。

 

軟件名稱:Kaspersky Free (卡巴斯基免費版)
費用:免費
下載網址:https://www.kaspersky.com/free-antivirus

 

UI簡潔,有最基本嘅功能可以用,其他乜Parental Control乜乜乜用唔到都正常,既然呢隻係防毒嘅Application,你有需要做Parental Control咁你咪搵翻個啲Application囉。提供最Basic 嘅防毒功能,筆者覺得冇問題。

   

佢當detect到你連接嘅網址SSL證書過期會自動提醒你,可以俾你揀繼續連線或者停止連線,但其實瀏覽器都做到呢個功能 :o)

 

筆者目前見到用嘅System Resource好少,少到唔覺,其實Avast仲高。

 

總結:用緊免費防毒嘅朋友不妨一試,但用緊NOD32/Norton/Symantec 乜乜乜就無謂晒時間試,因為你俾錢,買個個肯定比較好。美中不足嘅係得365 Days License,如果到時冇得續期就變相Kaspersky 365 Days Trail Version,焗你買,咁到時候我轉返Avast算。