首日使用SUN Mobile 體驗不過不失

今日17號就係筆者轉台嘅日子喇，咁今日筆者5:28起身嘅時候就開左部電話睇睇啦，舊嗰部（原csl. SIM) 已經冇咗訊號，換言之就係轉台成功（其實唔成功佢地會打電話俾你㗎），而新電話（SUN Mobile SIM）未見有訊號，試過開飛航模式都唔成功，原來要重新開機先可以用到新台。

體驗

網絡速度同筆者舊有台csl. 嘅速度差唔多（因為兩者使用同樣網絡），最大不同係有IMS (VoLTE)，而且應該係有留言信箱（後續有問題，詳看下文），打電話都有4G真係好過以前3G好多。

留言信箱問題

話說呢筆者諗住玩下留言信箱嘅功能嘅時候，佢地同我講冇登記留言信箱服務，結果令筆者無法使用留言信箱服務，結果筆者要打上台到搞，暫時都仲未用得。